Thursday, February 22, 2007

لا للتوريث



موضوع مهم و ضرورى و حيوى وكل الناس بتتكلم عنه اليومين دول على اساس ان الرئيس ان شاء الله حيموت و حيمسك ابنه جمال ده موضوع عادى ابتسم انت فى مصر النظام الجمهورى الوحيد فىالعالم اللى بيحصل فيه توريث هو مصر ليه لان مصر ام الدنيا واقلب القدرة على فومها البنت متطلعش لامها مصر هى بلد المعجزات كل حاجة بتحصل فى الدنيا عكسها فى مصر على طول و يوم معملنا انتخبات وكسرنا القاعدة الخلافة فشلنا لان اكتر من 3\4 الشعب مرحش اصلا امال حننتخب امتى يا ناس
نرجع لموضوعنا التوريث ونسال ليه جمال بك حيبقى الريس ويكمل المسيرة اللى بدأها والده كل الناس بتقول جمال حيمسك انا عن نفسى مش عارف و لا يمكن اتعودوا طيب و هو لو المشيئة الالهية نزلت مين حيبقى الريس و هل حيكون فى انتخابات ومين المرشحين و هل حكونوا زى الاراجوزات زى المرة اللى فاتت والمرة الجاية الصباح حيطلع لابس كاجوال ويقول سيب الطربوش لازم نواكب العصر ولا يطلع واحد يقول انا ححارب اسرائيل طيب الشعب عايز الرئيس يبقى عامل ازاى او احنا كشعب الرئيس اللى يحكمنا يبقى عامل ازاى مثلا زى العراق صدام فعلا كان متفصل عليهم احنا شايفين بعد صدام العراق بيحصل فيها حروب اكتر من اللى فى الصومال ربنا بعتلهم الامريكان طلعوا على جتتهم ولا عايزين واحد زى اميل لحود لا بيحل و لا بيربط ده رئيس شرفى ولا عايزين واحد زى فيديل كاسترو ولا مجنون زى بوش و لا قيادى زى بتاع البرازيل اللى معرفش اسمه
هى مصر دلوقتى مش محتاجة واحد عسكرى احنا الاقتصاد بتاعنا متبهدل والله ......... محى الدين مخلاش فيها حاجة فلابد من دراسة الوضع عشان الرئيس لازم يكون من الناس عشان يكون عاش زيهم مش قصدى عامل يعنى انا قصدى يكون قضى كل حياته فى مصر مش يجيبوللى واحد ميعرفش غير انه اتولد فيها شاف الناس اللى اتعذبوا على ايد الشرطة و عاصر الحرامية و عارفهم يجيب ناس محترمة بدل العصابة اللى ممشينها شيلنى و اشيلك كله بيدارى على كله بقالهم20-25 سنة فيها و مشبعوش امال امتى حيبقى فى تغيير
لازم يبقى فى تغيير ده الواحد لما بيطول معاه سورىيعنى بيغيره امال لماالرئيس يطول يبقى محتاج ايه انما فى فئة مش بتحب التغيير هو
المحل اللى احنا عايشين فيه عاجبهم اوى و بياخدوا منه اكتر مبيدوا ومين عارف بكرة حيجرى ايه لسه واحب اقول لا للتوريث و نعم للتجديد ان شالله على ايد جمال او غيره مش حتفرق بس المهم نحس اننا فى بلدنا مش فى بلد الحكومة
وحسبى الله و نعم الوكيل

1 comment:

grandhouse2 said...

بسم الله
اولا احب اقولك انك دكر يابنى والله علشان فكرت تتكلم فى المواضيع دى بس احنا بلدنا دى بلد ...وانت عارف وانا عارف ان احنا لو فضلنا نفكر مين اللى هيمسك بعد فخامة ال... طبعا عمرنا ما هنلاقى حد عدل لانها مفيهاش حد عدل يمسك و حتى لو لقينا تفتكر ان صوتنا هيعلى وحد هيسمعة ولا هنتلم كالعادة ذى ما بيتعمل فى اى حد صوتة يطلع .
ولو حصل وخلصنا من الكبة اللى على قلب المصريين طبعا لازم يحصل فوضى والدنيا تقوم وتقعد ونستنى مين الدكر اللى هيجى يمسكنا من ...زى اللى قبلة ومعتقدش ان فى دكر يقدر يمسك الحرامية اللى ماسكة البلد ويحطهم فى زنزانة واحدة ياكلوا فى بعض ولو حصل طبعا هيحط معاهم موززه علشان يجيبولنا حرامية من نوع جديد وخليط من صغار النصابين و اساسا معنى وصولة للحكم انة اكيد لة صلة بالحرامية والنصابين اللى رضوا يسيبوه يمسك والشعب مش فى دماغة الشباب كل همة البت جاية النهارده الكلية ولا لا ,و اسرح شعرى اذاى علشان حمادة ياخد باله منى النهاردة وبس او بيفكروا يحضروا و يروحوا ينامو و يصحوا يذاكرة و اهليهم طالع بوز اهليهم علشان يوفرا لهم اللى هم عايزينة يعنى محدش فاضى غير للشغل وبالليل يتفرجوا على القاهرة اليوم ويصحوا تانى يوم يكلموا نفسيهم و كل واحد فى الاخر يقول وانا مالى وتستمر الحياة المصرية الوردية الى الابد الى الابد الى الابد